Verkefnabókin Betri Fjármál

Fjárhagsvandi hefur ekki aðeins efnahagsleg áhrif heldur einnig tilfinningaleg og hugarfarsleg áhrif. Langtíma fjárhagsvandi og tekjuskortur getur leitt til þess að einstaklingar bregðast við aðstæðum með breytingum á hegðun sinni og venjum, til dæmis með því að draga saman í útgjöldum. Slíkt getur valdið skorti og ef slíkur skortur varir í langan tíma getur það leitt til vanlíðunar, dregið úr viljastyrk einstaklinga og valdið þeim miklum vandræðum.